Yu cuda knock me don wida fedher
De way she a walk bout pon street
Dat gyal a notin to look pon
She a dyamn blasted leggo beas
Elp, sombady cyal de police
A me man she a try tief– choops
Laud, he a cross de street toward her
He na see mi a hide don de street
Mi a cyatch yu, yu dyamn blasted liar
Yu did say yuah going to teach.
Laud, look weh him a put him hand
He wan go soak dem in bleach.
“Mi na wid no ohman, no sah
Mi a free as free cyan be
Come les go round de cyarna
Mi av somtin dat gwan mek yu screech.”
Him a come to dis veri cyarna
Mi a see which one a gwan screech
Let mi tuck in beyind dis ye dust cyart
An wait until mi see feet
Mi hear dem fotstep a coming
Dem a larfan a chyat like peeps
Like frien from long inna pass – choops
Yu na know she a dyamn leggo beas
Mi a beg yu, Laud all mity fada,
Na le mi drop a groun in dis street
Oh God, e ya cuddle an kiss her
Mi mek hase an jump tu mi feet
Mi pick hup one brick in me han
An fling it ard an quick
29
Awoh dat a cyal out mi nyame so
I tink mi na know disya one
“Doris, a wa yu ado gyal?”
Mi a look don pon disya man
Laud, e nah John
Wat else mi cyan do but
Tek afme shoe an jus run

Sign up to our Mailing List

Sign up to receive communications from Creative Future, including opportunities, updates on activities and more.

Scroll to Top